Pan da Moa

A conectividade co cliente. Cliente, entorno, ambiente.
Sempre o digo e penso que non me equivoco demasiado, a clave está en seducir.

Fai uns meses decidimos  dar ese paso que para unha empresa pequena como a nosa non deixa de ser un gran esforzo. Vimos da panadería tradicional en Galicia, aquela que a única publicidade que tiña era o seu produto do que falaban os seus clientes a outros. Non había máis, tan simple como abrir cada día a porta da tenda e poñerse detrás do mostrador e atender o cliente. A verdade dicindo así e facendo ben, a min que ignoro bastante o tema paréceme unha publicidade boísima.

Claro, a base de todo, sigo a falar dende o meu punto de vista, é o produto. Vale, diso é do que estou máis tranquilo xa que é o que eu máis coñezo. Sei dos esforzos, das probas, das fórmulas e das calidades que utilizamos para chegar a esa conclusión. Esa que non deixa de ser máis que o pracer cando o que o proba sinte o que nós lle intentamos imprimir dende un principio. E continuando con este acto de sinceridade coido  que ás veces o conseguimos.

Si, pero con isto non chega. Ou mellor dito, chega pero non é suficiente. E eu que quería que esta entrada fora clara e explicativa... sempre termino por meterme en labirintos.

Bueno, o caso é que temos WEB. SI, TEMOS WEB.
O caso é que sacamos un nome e unha imaxe de marca. Si, é que somos moi chulos.
O caso é que nos encanta.
O caso é que isto é obra de Uqui Permui e todo o seu equipo de Uqui.net
O caso é que agardamos que sintades as mesmas sensacións que nós cando o vimos, inesquecibles.
O caso, vou ao caso:

Seguimos a ser PANADERÍA MOSCOSO MOURE

A imaxe de marca será PAN DA MOA. Así que si vedes pandamoa, PANDAMOA, PAN DA MOA, pan da moa SOMÓS NÓS!!!!