Pan da última fornada

Pan da Moa galardoada polo magazine Coralia

Premiada na categoría de Pan artesán máis rico de Compostela.

O recoñecemento de Coralia, entre os nosos pans artesáns
O recoñecemento de Coralia, entre os nosos pans artesáns

Coincidindo coa presentación do seu último número do ano 2018, o magazine compostelán Coralia entregou esta semana as súas peneiras. Uns galardóns por medio dos que as lectoras e lectores desta publicación de tendencias veñen de determinar cales son ao seu criterio algúns dos mellores establecementos da nosa cidade.

Foron un total de once categorías que recoñeceron principalmente a establecementos relacionados coa gastronomía, o lecer e a artesanía. As lectoras e lectores da revista Coralia foron os encargados de outorgar cos seus votos estes galardóns, que designaron a Pan da Moa como o establecemento co Pan artesán máis rico de Compostela.

Desde Pan da Moa non podemos máis que agradecer este novo recoñecemento. Para nós un dos máis especiais, xa que chega desde a nosa cidade e da man da nosa propia clientela.