Pechamos entre os días 19 e 29 de agosto
Os establecementos de venda de Pan da Moa permanecerán pechados entre os días 19 e 29 do mes de agosto, ambos os dous incluídos, debido a realización de melloras nas nosas instalacións.
En Pan da Moa continuamos camiñando na procura da excelencia. Así, baseándonos no noso afán para ofrecer o mellor produto e servizo á nosa clientela, proxectamos desenvolver diversas obras de mellora no obrador do Cubelo ao longo do mes de agosto. É por ese motivo que nos vemos na obriga de pechar as tendas de Pan da Moa sitas na propia rúa do Cubelo, en Fontiñas e no Cruceiro da Coruña entre os días 19 e 29 do devandito mes -ambos os dous incluídos-.
Confiamos en que este peche non supoña un grande inconveniente e pedímosvos de antemán desculpas polas molestias causadas.